Sara Lorenzoni Parisen egon da uztailaren 7tik 11ra BIOMAT-Frantziak antolatutako Nazioarteko udako lantegian, ikasturte lanpetu honen ondoren merezitako oporraldia hasi aurretik. Edizio honen gaia honako hau izan da: 'Medikuntza birsortzailearen aro berri bat: ehun-ingeniaritzaren erronkak eta estrategiak'.

Partehartzaileek adituen hitzaldiak, saio teknikoak, eztabaida interaktiboak eta trebatze-lantegiak eskura izateaz gain, ikertzaile gazteek beren ikerketak adituen aurrean aurkezteko aukera izan zuten ere. Sarak 'Integrin-targeted delivery of etoposide via RGD-functionalized solid lipid nanoparticles for high-risk neuroblastoma' izeneko ikerketa aurkeztu zuen, tumoreei eraginkortasun handiagoz aurre egiteko eta kimioterapiaren albo-ondorio kaltegarriak arintzeko nanopartikulen erabileran sakontzen duena.

Punta-puntako zientzia, ezagututako ikertzaileak, ideia berriak izateko elkarrizketak eta giroa... Sararentzat aste hau esperientzia zirraragarria eta aberasgarria izan da, ikerketaren alde egindako apustua berretsiz.